Hopp til innhold

Gínea

Í Gíneu eru stærstu jarðefnaauðlindir Afríku. Þrátt fyrir það er landið mjög fátækt og algjörlega háð alþjóðlegri aðstoð.

Síðast uppfært 13.04.2015

Landafræði og náttúra

Strandlengja Gíneu er 250 km löng og þar vex fenjaviður. Um það bil þrír fjórðu hlutar landsins eru hitabeltisregnskógar, en í suðausturhlutanum eru skógar og fjöll. Gínea er þekkt fyrir náttúruverndarsvæðið Nimbafjöll, sem er á lista UNESCO um friðlýst svæði. Landið líður fyrir fjölda umhverfisvandamála, svo sem skógareyðingu, eyðimerkurmyndun, mengun jarðvegs, jarðvegseyðingu, ofveiði á fiski, mikilð þéttbýli á skógarsvæðum og mengun vegna námuvinnslu.

Ecoprint

0.7 plánetunni Jörð

Ef allt mannkyn myndi neyta til jafns eins og gerist að meðaltali í Gínea, þá þyrftum við 0.7 eintök af plánetunni Jörð.
Sjá mælistikuna fyrir vistfræðileg áhrif.

Saga

Áður en Gínea varð frönsk nýlenda árið 1890 var landið miðpunktur margra afrískra keisaradæma. Gínea varð sjálfstætt ríki árið 1958 og óskaði ekki eftir að gerast meðlimur í franska samveldinu. Fram til ársins 1984 var landinu stýrt af hinum einráða forseta Touré. Í 25 ára stjórnartíð hans voru aðrir stjórnmálaflokkar bannaðir og mörg þúsund manns hurfu eða voru pyntaðir og drepnir. Á þessu tímabili flúði þriðjungur íbúa landsins. Árið 1984, eftir dauða Tourés, tók Conté við völdum í friðsömu valdaráni. Pólitískir fangar voru frelsaðir og margir Gíneubúar sem höfðu flúið sneru heim.

Samfélag og stjórnmál

Árið 1993 voru fyrstu frjálsu kosningarnar haldnar í Gíneu. Conté var endurkjörinn sem forseti og stýrði eftir það landinu með járnhendi. Þegar öðru kjörtímabili hans var að ljúka breytti hann kosningalögunum þannig að hann gæti náð endurkjöri. Hann var endurkjörinn forseti árið 2003 í kosningum sem stjórnarandstaðan sniðgekk. Óstöðugleiki hefur ríkt í landinu vegna mikils straums flóttamanna frá Síerra Leóne og Líberíu, þjóðernismismunar á meðal íbúanna, auk óánægju stjórnarandstöðunnar með stjórn Conté. Lítil virðing er borin fyrir mannréttindum og mikið skortir á réttaröryggi, auk þess sem pyntingar eru tíðar og skortur er á stjórnmálalegu og borgaralegu tjáningarfrelsi.

Hagkerfi og viðskipti

Gínea er mjög ríkt af náttúruauðlindum, sérstaklega jarðefnum. Næstum helming allra báxítauðlinda heims er að finna í landinu. Mikilvægustu útflutningsafurðirnar eru báxít, gull og demantar. Árið 2004 stóð námuiðnaðurinn að baki 70 prósenta af útflutningi Gíneu. Undir stjórn Touré hnignaði bæði landbúnaði og námuiðnaði. Landið er mjög fátækt og það er þörf á miklum endurbótum á atvinnulífi landsins. Stærstur hluti íbúa landsins vinnur í landbúnaði sem smábændur. Þeir flytja út hrávörur eins og banana, kaffi, ananas, olíupálma, jarðhnetur, sítrusávexti og grænmeti. Undir eftirliti frá Alþjóðabankanum og Alþjóðagjaldeyrissjóðnum hafa íbúarnir undanfarin tíu ár búið við aukið frjálsræði. Óeirðirnar og átökin á landamærasvæðinu við Síerra Leóne og Líberíu hafa skapað óöryggi og leitt til þess að erlendar fjárfestingar hafa tapast.

Samantekt

Gínea

Höfuðborg:

Conakry

Þjóðernishópar:

Peuhl 40%, malinke 30%, soussou 20%, aðrir minni ættbálkar 10%

Tungumál:

Franska, mállýskur innfæddra

Trúarbrögð:

Múslímar 85%, kristnir 8%, hefðbundin trúarbrögð 7%

Population:

12 347 766

Government:

Lýðveldi

BNI per citizen:

1 207 PPP$

Aðild/þátttaka

Other country profiles

Félag Sameinuðu þjóðanna á Íslandi © 2017