Hopp til innhold

Ítalía

Ítalía er mikilvægur gerandi í alþjóðastjórnmálum og tók þátt í stofnun NATO og ESB.

Síðast uppfært 13.04.2015

Landafræði og náttúra

Ítalía teygir sig frá Mið-Evrópu langt suður í Miðjarðarhafið en eyjarnar Sardína og Sikiley eru syðstu hlutar landsins. Fjöll eru áberandi á Ítalíu: Alparnir eru í norðurhluta landsins en Appenínafjöll í suðri. Á milli fjallanna er hin frjósama Póslétta. Á Norður-Ítalíu er temprað loftslag, með kalda raka vetur og tiltölulega heit sumur. Á Suður-Ítalíu er heitara og þurrara allt árið, sérstaklega yfir vetrarmánuðina, en þá getur hitamismunur á milli norðurs og suðurs verið allt að 20 gráður. Loftmengun er mikið vandamál og mikil mengun er í mörgum stöðuvötnum og ám. Mengunin jókst töluvert eftir seinni heimsstyrjöldina, þegar Ítalía breyttist á stuttum tíma úr fátækasta landi Evrópu í leiðandi iðnríki.

Earth Earth Ecoprint

2.3 plánetunni Jörð

Ef allt mannkyn myndi neyta til jafns eins og gerist að meðaltali í Ítalía , þá þyrftum við 2.3 eintök af plánetunni Jörð.
Sjá mælistikuna fyrir vistfræðileg áhrif.

Saga

Að fornu voru stór keisaradæmi á Ítalíu. Etrúrar voru valdamiklir á árunum 900–500 f.Kr. og Rómverjar frá árunum 350 f.Kr.–500 e.Kr. Eftir fall Rómaveldis var óstjórn í landinu og var það hernumið nokkrum sinnum. Á 14. öld blómstruðu borgir eins Flórens og Feneyjar og urðu þær mikilvægar miðstöðvar viðskipta og vísinda. Tilraunir til að sameina landið að nýju eftir Napóleonsstríðin í lok 18. aldar enduðu með byltingu árið 1848. Árið 1861 varð Ítalía sjálfstætt ríki. Mikil ólga og valdaátök hafa verið í ítölskum stjórnmálum á tuttugustu öld. Landið var virkur þátttakandi í báðum heimsstyrjöldunum sem bitnaði hart á íbúunum. Á eftirstríðsárunum varð Ítalía virkur þátttakandi í alþjóðastjórnmálum og hefur gegnt mikilvægu hlutverki innan Evrópusambandsins. Nokkrar hryðjuverkaárásir voru gerðar í landinu á áttunda áratugnum vegna stjórnmálaátaka á milli kommúnista og hægrisinna.

Samfélag og stjórnmál

Lýðræði var komið á á Ítalíu eftir seinni heimsstyrjöldina. Forsetinn hefur talsverð völd og útnefnir forsætisráðherra og ríkisstjórn. Stjórnmál á Ítalíu hafa í áraraðir stjórnast af spennuþrungnu sambandi á milli ríku svæðanna í norðri og fátæku svæðanna í suðri. Mismunurinn á milli héraðanna hefur leitt til pólitísks óstöðugleika og hefur verið skipt um ríkisstjórn næstum árlega frá lokum seinni heimsstyrjaldarinnar. Þrátt fyrir þetta hafa kristilegir demókratar haldið völdum öll þessi ár, með því að mynda ríkisstjórn með öðrum flokkum, bæði á hægri og vinstri vængnum. Undanfarin ár hafa flokkar af hægri vængnum eflst og oft verið í ríkisstjórn. Uppgangur hægrisinnaðra hefur tengst hræðslu við ítök erlendis frá og óánægju með þróun efnahagsmála. Ítalía er að berjast við vaxandi fjölda ólöglegra innflytjenda frá Norður-Afríku og Albaníu, og eru efnahagsbrot stórt vandamál. Landið hefur mátt þola sinn skerf af stórum hneykslismálum undanfarin ár.

Hagkerfi og viðskipti

Ítalía er eitt af stærstu efnahagskerfum heims í dag og þar er þróaður og fjölbreyttur iðnaður. Landið er leiðandi í iðnhönnun, vélbúnaði og bílaframleiðslu og er jafnframt miðstöð tískunnar í hinum alþjóðlega tískuheimi. Landbúnaður hefur í æ meiri mæli mátt víkja fyrir vaxandi iðnaði sem þrefaldaðist á sjötta, sjöunda og áttunda áratug síðustu aldar. Þrátt fyrir öra þróun efnahags hefur verið mikil verðbólga og hátt atvinnuleysi undanfarin ár vegna pólitísks óstöðugleika, lélegrar stjórnunar skattkerfisins og vegna þess að landið er háð innflutningi á hrávöru og orku. Ítalía flytur fyrst og fremst út til annarra Evrópulanda, en á einnig mikil viðskipti við lönd eins og Bandaríkin og Ástralíu.

Samantekt

Ítalía

Höfuðborg:

Róm

Þjóðernishópar:

Ítalir

Tungumál:

Ítalska, þýska, franska, slóvenska

Trúarbrögð:

Kaþólikkar 90%, aðrir 10%

Population:

61 142 221

Government:

Lýðveldi

BNI per citizen:

35 896 PPP$

Aðild/þátttaka

Other country profiles

Félag Sameinuðu þjóðanna á Íslandi © 2017