Hopp til innhold

Líbanon

Lengi vel var Líbanon friðsamasta land Miðausturlanda, áður en allt fór úr böndunum í byrjun áttunda áratugarins.

Síðast uppfært 16.04.2015

Landafræði og náttúra

Í Líbanon eru mörg há fjöll. Fjöllin tvö Líbanon og Anti-Líbanon ná bæði upp í um það bil þrjú þúsund metra hæð og eru toppar þeirra snævi þaktir frá desember fram í maí. Frjósöm slétta liggur við strendur Miðjarðarhafsins. Í landinu er miðjarðarhafsloftslag með rökum, mildum vetrum og þurrum heitum sumrum. Jarðvegseyðing og mengun grunnvatns vofir yfir líbönskum landbúnaði sem býr annars við góð náttúruleg skilyrði.

Earth Ecoprint

1.7 plánetunni Jörð

Ef allt mannkyn myndi neyta til jafns eins og gerist að meðaltali í Líbanon , þá þyrftum við 1.7 eintök af plánetunni Jörð.
Sjá mælistikuna fyrir vistfræðileg áhrif.

Saga

Átökin sem spruttu upp í kjölfar stofnunar Ísraels árið 1948 hafa haft alvarleg áhrif á Líbanon. Átök brutust út að nýju árið 1975 sem stóðu yfir í fimmtán ár. Nágrannalöndin Sýrland og Íran leituðust bæði eftir að auka áhrif sín innan Líbanon og lögðu sitt af mörkum við að byggja upp síja-múslímsku hernaðarsamtökin Hizbollah. Hizbollah hefur aðsetur í Suður-Líbanon og hefur smám saman náð að auka völd sín. Svæði Hizbollah er nú í raun starfrækt sem ríki innan ríkis. Samtökin voru stofnuð til að berjast gegn Ísraelum sem höfðu hersveitir í Líbanon frá 1982 til 2000, en héldu áfram starfsemi eftir að Ísrael dró heri sína til baka. Í dag er talið að Hizbollah hreyfingin sé fjölmennari en líbanski herinn.

Samfélag og stjórnmál

Stjórn Líbanons reynir að stöðva átökin á milli múslíma og kristinna íbúa. Í friðarsamkomulagi sem var undirritað eftir borgarastyrjöldina komu menn sér saman um að kristinn einstaklingur skyldi gegna embætti forseta og varnarmálaráðherra, súnní-múslími embætti forsætisráðherra, síja-múslími embætti þingforseta og varaforseti þingsins skyldi koma frá röðum drúsa. Sætum á þinginu er skipt á milli kristinna og múslíma. Á þennan hátt er vonast til að öll þjóðarbrot landsins eigi fulltrúa á þingi og taki þátt í hinu líbanska lýðveldi.

Hagkerfi og viðskipti

Líbanon var áður fyrr ein af mikilvægustu viðskiptamiðstöðvum Miðjarðarhafssvæðisins. Landið var fundarstaður fyrir Evrópu, Afríku og Asíu fram að borgarastríðinu sem braust út árið 1975. Efnahagur landsins veiktist verulega vegna stríðsins og flest erlend fyrirtæki hafa dregið sig út úr landinu. Viðskiptalíf Líbanons hefur þó eflst undanfarin ár, eftir að meira jafnvægi komst á og borgarastríðinu lauk. Stríðsátök sumarið 2006 færðu landið þó marga áratugi aftur í tímann sem mun hafa mikil áhrif á framtíðarþróun Líbanons. Útflutningur byggist að mestu á ávöxtum, grænmeti og vefnaðarvöru. Ólíkt nágrannalöndunum iðnvæddist landið snemma. Olíu er ekki að finna í Líbanon en landið fær olíu frá nágrannalöndum sínum til frekari vinnslu. Í landinu eru einnig framleidd húsgögn og ýmsar trévörur. Iðnaðurinn hefur orðið fyrir miklum skakkaföllum af völdum átaka í landinu.

Samantekt

Líbanon

Höfuðborg:

Beirút

Þjóðernishópar:

Arabar 95%, Armenar 4%, aðrir / óskilgreint 1%

Tungumál:

Arabíska, franska, enska, armenska

Trúarbrögð:

Múslimar 59.7%, kristnir 39% aðrir / óskilgreint 1.3%

Population:

5 053 624

Government:

Lýðveldi

BNI per citizen:

13 938 PPP$

Aðild/þátttaka

Other country profiles

Stríð og átök

Félag Sameinuðu þjóðanna á Íslandi © 2017