Holland

Síðast uppfært: 17.04.2015

Holland er þéttbýlt og láglendi land í Norðvestur-Evrópu. Vissir þú að Hollendingar eru hæsta fólk í heimi, með meðalhæð 175,62 cm. Á þessari síðu finnur þú allt sem þú ættir að vita um Holland.

Fáni

Efnisyfirlit

Helstu tölur og staðreyndir

Höfuðborg:	Amsterdam
Þjóðhópar:	Hollendingar 75,4%, ESB borgarar 6,4%, Tyrkir 2,4%, Marokkóbúar 2,4%, Súrínamar 2,1%, Indónesar 2%, aðrir 9,3% (2021)
Túngumál:	hollenska (opinber), frísneska (opinber)
Trúarbrögð:	Rómversk-kaþólskir 20,1%, mótmælendur 14,8%, múslimar 5%, aðrir 5,9%, ekkert 54,1% (2019)
Íbúafjöldi:	17 618 299 (2023)
Stjórnarform:	Stjórnskipuleg konungsveldi
Svæði:	41 500 km²
Gjaldmiðill:	Evra
Verg landsframleiðsla á hvern íbúa:	69 577 PPP$
Þjóðdagur:	27. apríl

Landafræði

Holland er staðsett á vesturströnd meginlands Evrópu á svæði sem einkennist af miklu flatlendi. Einn þriðji af landsvæðinu liggur undir sjávarmáli og vesturhluti landsins er að meðaltali einungis um einum metra yfir sjávarmáli, en skurðir og stíflur liggja meðfram ströndinni til að koma í veg fyrir flóð. Hæstu hæðir landsins eru í suðausturhluta þess og hæsti tindurinn, sem er 322,7 metrar á hæð, er við Vaalserberg á landamærunum við Þýskaland og Belgíu.
Skógar hafa verið höggnir til að rýma fyrir landbúnaði, þrátt fyrir að ekki sé mikið um skógvöxt í landinu. Loftslag er milt, veturnir verða ekki mjög harðir, en sumrin verða ekki mjög hlý heldur. Margar tegundir blóma þrífast vel í slíku loftslagi og er Holland vel þekkt fyrir túlípanaræktun sína sem nær yfir stór landsvæði.

Saga

Talið er að Germanir hafi numið land í Hollandi um hundrað árum áður en okkar tímatal hófst. Fimmtíu árum fyrir Krist var landið innlimað í Rómverska heimsveldið. Þegar það leið undir lok var svæðinu skipt í nokkur konungsríki og einhver þeirra voru gefin Spánverjum að gjöf. Önnur þessara ríkja heyjuðu svo stríð við Frakkland og England.

Þau ríki sem lágu norðar stofnuðu lýðveldið Holland árið 1581. Hollendingar urðu seinna að mikilvægri sjóferða- og viðskiptaþjóð, sem eignaði sér nýlendur meðal annars á Indlandi og í Afríku. Konungsríkið Holland var svo stofnað á Vínarþinginu árið 1815. Belgía og Lúxemborg voru hluti af konungsríkinu við stofnun þess, en þau lýstu yfir sjálfstæði seinna á sömu öld. Hollendingar lýstu yfir hlutleysi í bæði fyrri og seinni heimsstyrjöldinni, en landið var samt sem áður hernumið af Þýskalandi árið 1940 og konungsfjölskyldan og ríkisstjórnin urðu að flýja til Bretlands. Holland var frelsað fimm árum seinna og sneri konungsfjölskyldan þá aftur til landsins.

Vistfræðileg fótspor

3,4

jarðarkúlur Holland

Ef hver einasta manneskja á jörðinni ætti að hafa sömu neyslu og meðalmannfjöldi í Holland, þá þyrftum við 3,4 jarðar.

Vistfræðileg fótspor

Samfélag og stjórnmál

Konungsríkið Holland er þingbundið konungsdæmi samkvæmt stjórnarskránni sem tók gildi árið 1815. Ríkisstjórnin er leidd af forsætisráðherra sem er tilnefndur af þjóðhöfðingjanum. Hollenska þinginu er skipt í tvær deildir, efri og neðri deild. Á öldum áður var Holland mikilvægt siglinga- og viðskiptaríki sem réði yfir mörgum nýlendum.

Í dag heyra þó einungis Aruba og Hollensku Antillaeyjar undir Holland. Opinbert tungumál landsins er hollenska en þar eru þó líka töluð þýska, franska og frísneska. Holland er þéttbýlasta land Evrópu, en landið er einnig þekkt fyrir að hafa mjög frjálslynda löggjöf þegar að kemur að fíkniefnum, vændi og hjónaböndum samkynhneigðra.

Lífskjör

10 / 169

HDI-lífskjör Holland

Holland er númer 10 af 169 löndum á lífskjaralista SÞ (HDI) yfir mannlega þróun.

HDI - Lífskjaralisti Sþ

Hagkerfi og viðskipti

Hollendingar eru viðskipta- og útflutningsþjóð með öflugan iðnað. Efnahagur landsins byggir að miklu leyti á innflutningi á hráefnum sem nýtt eru í framleiðslu til útflutnings. Iðnaðurinn er fjórðungur af vergri þjóðarframleiðslu landsins, en mikilvægustu hlutar hans eru véla- og málmiðnaður, raf-, efna- og textíliðnaður.

Á sjötta áratug síðustu aldar tóku Hollendingar þátt í að stofna Evrópska kola- og stálbandalagið, sem síðar varð Evrópusambandið (ESB).

Landbúnaður er einnig mikilvægur fyrir Hollendinga, en þeir eru ein fremsta garðyrkjuþjóð heims. Mikilvægustu náttúruauðlindir landsins eru olía og gas, sem finna má á hafsvæðum við strandlengjuna. Lega Hollands á vesturströnd Evrópu gerði Hollendingum kleift að opna verslunarleiðir sem þeir hófu snemma að nýta sér.

Þar sem viðskipti Hollands eru að miklu leyti alþjóðleg varð landið illa úti í alþjóðlegu fjármálakreppunni sem gekk yfir heiminn árið 2008. Atvinnuleysi hefur þó minnkað á síðustu áratugum og hefur haldist lágt þrátt fyrir slæmt ástand á fjármálamörkuðum.

Tölfræði

Á þessari síðu er gildi fyrir landið Holland fyrir allar mælistikur (frá því ári sem síðast barst). Þú getur auðveldlega borið þessi gildi saman við gildi frá öðru ríki. Sjá vísir